Laerskool Voorpos
Ons sal antwoord op jou roepstem

Skolierpatrollie

Organiseerder: Me Liezel van der Walt 

Met ‘n geruste hart kan ons Vories veilig die pad oorstap om skool toe te kom.

Die skolierpatrollie is een van die hardwerkendste groepe in ons skool. Dit is ‘n groot taak wat verrig word deur vrywillige lede. Hulle is reeds 6:50 by die skool en beweeg 13:30 weer uit na hulle verskillende punte om diens te gaan doen. So terwyl sommige van julle nog lekker snoesig en warm in die huise is, trotseer hierdie spesiale groep lede enige weersomstandighede om julle veilig te hou.

Die punte waar jy ywerige lede gaan aantref is by die twee hekke in Cunninghamlaan en die swembad-/tennishekkie in Dickensonlaan.

Ons wil elke lid sterkte toewens vir hulle enorme taak wat hulle verrig.

Dankie ook aan oom Jim, oom Willie, Petrus en juffrouens Carli en Danelle wat hierdie taak ligter maak.