Laerskool Voorpos
Ons sal antwoord op jou roepstem

Sagtebal

Organiseerder: Tanya Majoor


Seisoen: Kwartaal 3

































Die sagtebalseisoen skop in die derde kwartaal af.  Daar is jaarliks 4 spanne wat deelneem aan die liga. `n Heerlike sagtebaldag word ook jaarliks aangebied voor die seisoen afskop.  Hierdie dag vind gewoonlik plaas op die eerste Saterdag na die Julie-vakansie.  Hierdie wedstryde wat gespeel word is vriendskaplik en afrigters kry dan die geleentheid om spanne te kies en leerders kry geleentheid om net lekker te speel. Met hierdie lieflike sport leer ons leerders om saam te werk as `n span, gemotiveerdheid en `n liefde vir die sport.  

Proewe begin in die tweede kwartaal na die eksamen.

2021 Seisoen

Ons sagtebalseisoen vir 2021 het met groot opwinding afgeskop. Na die Covid-19 Pandemie wat ons gekeer het om in 2020 deel te neem, het ons hierdie jaar volstoom begin geoefen en ook aan  die Sentraal Liga deelgeneem. Ons het 4 spanne ingeskryf vir die liga en teen die volgende skole meegeding: Laerskool Tygerpoort, Hennopspark, Louis Leipoldt, Villieria en dan ook Homespun. Homespun is vir leerders wat tuisonderrig ontvang.

 

Ons afrigters en tellinghouers het verskeie kursusse bygewoon.

Mnr Riaan Versveld het ons o/10 en o/11 dogters in bietjie kom leer van sagtebal.

Ons dogters het hulself goed van hul taak gekwyt en ons Eerste span het al hulle wedstryde gewen.

Afgesien van baie nuwe reëls en regulasies rondom COVID-19, het ons ‘n baie suksesvolle seisoen gehad en sien uit na volgende jaar.


Oefentye sal deurgegee word aan die leerders.