Skaak

Organiseerder Mary-Ann Thuynsma

Seisoen: Reg deur die jaar

Afrigter:  Mev. G. vd Berg

Buite-afrigter:  René de Beer

Oefentye:  Elke Maandag en Woensdag direk na skool tot 15:00

                    Kleuterskool:  Elke Donderdagoggend

 

Skaak is ‘n sport wat nie seisoengebonde is nie, maar regdeur die jaar gespeel word.  Die eerste kwartaal word bestee aan oefening en vriendskaplike wedstryde ter voorbereiding vir die streekliga wat in die tweede kwartaal gespeel word en die distrikfinaal en topskole wat in die derde kwartaal plaasvind.  Normale oefening gaan in die vierde kwartaal voort. 

Om skaak in ons skool te bemark, word daar jaarliks ‘n skaakaand gehou waar alle leerders van die skool saam met hulle ouers genooi word om vir die pret te kom skaak speel en daarmee saam heerlike sop en broodjies te geniet wat deur die OV aan ons voorgesit word.

Spanne:  Sewe spanne neem aan die ligas deel nl:  ‘n Dogtersspan, o/9 A en B, o/11 A en B asook o/13 A en B gemengde spanne.  ‘n Span bestaan uit 6 spelers plus ‘n reserwe.  Spelers speel in bordvolgorde, waar die sterkste speler bord 1 speel.  Uitdunne vind plaas tydens die interhuis, maar spelers kan mekaar daag om na ‘n hoër bordnommer te vorder.

Ligas:  Twee tipes ligas vind plaas nl. Individuele liga en spanliga.  Beide hierdie ligas word eers in streekverband gespeel.  Die wenner en naaswenner van die streek neem dan aan die Distrikfinaal deel.  Die wenner en naaswenner van die distrik speel dan Gauteng Topskole en van daar neem hulle aan die SA kampioenskappe deel.

Alle wedstryde – vriendskaplik en ligas word altyd in volle skooldrag gespeel.

Arnold Classic buitelugtoernooi:  In 2018 sal daar twee spanne van ses spelers elk aan die Arnold Classic buitelugtoernooi deelneem.  Elke speler wat hieraan gaan deelneem, moet ‘n fooi van R100 betaal.

             

Erkenning deur die skool:  Ligawenners ontvang sertifikate tydens die prysuitdeling.  Drie trofeë word oorhandig nl: aan die senior speler van die jaar, die junior speler van die jaar en die speler wat die beste vordering deur die jaar getoon het.